「你張裝修紙呢？」

新屋進入裝修階段，這可說是人生的其中一個里程碑，心情既緊張又興奮，對新屋裝修至添置傢俬等各項大小事情講不上一絲不苟，卻可算是事事關心。原來單位裝修，業主須要先到管業處申請「裝修紙」，並需要將「裝修紙」貼到單位門外。好一張「裝修紙」。

昨天到泰華用膳，大顆兒都食得七七八八，暢談一會之際，我收到一個似曾相識的電話。電話內容如下︰

A︰「喂（並非一般大家所理解有禮貌的聲調），你果張裝修紙呢？」

我︰「你講我同管業部申請果張呀？我噚日申請左，但係唔記貼出黎呀，我會同管業部講架喇。」

A︰「呢度咪管業部囉！（這感歎號並非無故使用，確實反映當時初被誤會為裝修師傅的管理員講說話時的語氣）」

我︰「唔好意思呀，原來你係管業部架。係呀，唔好意思呀，我噚日（星期一）同你同事申請左架喇，不過我趕時間無貼到出黎呀，我今晚我貼番啦」

A︰「唔得喎，無裝修紙唔裝修得架喎（「頂」！我已經申請了，是否需要裝修紙還哪麼重要嗎？當然，我錯我認。）」

我︰「（既然你無理，我都無需要跟你慢慢分析）係呀，我申請左架喇，我今晚貼番出黎啦，唔好意思呀。」

A︰「你等一等啦。」

A的Supervisor︰「唔好意思呀！跟據我地的規則，要係裝修前一個禮拜申請，同貼張「裝修紙」出黎……」

我︰「我今晚貼出黎啦，我番緊工，番番黎都要成個幾兩個鐘，咁樣好唔好呀？」

我相信「跟規則做事」沒有錯，但如果「規則」錯了，你能否得到期望的結果呢？規則二字非常顯淺，例子有學生守則，員工守則，基本法等；在我眼內，「規則」亦可解作潛伏於個人腦袋中的一些知識或信念，知識方面可以是「能播放數碼電影的電器就只有DVD機」；信念方面可以是「懲罰乃管治員工的不二法門」。

您的「規則」有沒有改善的空間呢？