ICE BUCKET CHALLENGE

好多人近日參與拍攝 ICE BUCKET CHALLENGE︰有裝住成十公升水的桶成米高咁 DUM 左落個頭倒，有蘇局長大玩政治 SHOW（明明係講關注 ALS 佢又帶番個題目去政治野），有個朋友淋水前一路講野一路唔小心震波，好搞笑。周潤發話浪費水資源，其實我又覺得比起商業用水，果幾千或幾萬甚至乎幾十萬桶算得咩呀；除左果 D 係馬路中心不顧安全的參與者之外我都覺得呢個活動幾好，一來我起碼知道 ALS 係咩黎，二來好似話近日捐贈到有關機構的善款的確多左好多。 

據輔仁媒體某搏客所描述，今次 ICE BUCKET CHALLENGE 之所以成功，係採取左一種與數年前高登需要對方「找數」的方式，略有不同係高登的係願者上釣︰例如阿仙奴輸波我就裸跑之類的賭注，ICE BUCKET CHALLENGE 的唔理你參與與否，TAG 左先算。明星效應又講唔想︰你有明星參與最多係驅使你上 YOUTUBE 睇啫，又唔會吸引你去以身試冰架。想多了後，發現型成呢個趨勢，同大家用噴霧清新劑有 D 相似︰當你發現屋企有嗅味 （CLICK），基於賣行晒廣告買左支或者之前超市搭單送左支比你，所以你係屋企就用黎噴幾野（ROUTINE），即時地你就覺得間屋無左嗅味喇（REWARD）。呢度要講清楚小小，你感覺倒的 REWARD 係因為生產商添加進去的香味，並唔係消失左的嗅味！情況就好似你刷牙咁，你感覺倒你棚牙乾淨左係因為果 D 對你棚牙乾淨左無關的薄荷味，事實上係刷牙的動作令你棚牙乾淨左。呢種被添加上去的 REWARD 係市面上隨處可見，亦都係佢幫我地建立習慣架，正如 FACEBOOK 上邊可能有好多人 LIKE 你張相，呢種自我感覺良好令你想拍更多 UPLOAD 更多相片，建立大家一個影相的習慣並唔係佢真係好鍾意影相，而係 UPLOAD 左張相之後的 LIKE 同 COMMENT。唔係點解相機宜家有 WIFI 功能。

拍攝 ICE BUCKET CHALLENGE 呢︰有人 TAG 左你咪係個 CLICK，咁遊戲規則就係個 ROUTINE，吸引你去做呢個 ROUTINE 係你預期有兩個理由，一係你幫 ALS 做左 D 野，二來係你 UPLOAD 左段片之後你預期有人 LIKE 有人 COMMENT 同有人跟你去一齊玩。兩者都係 REWARD，而在我而言應該係後者來得重要一點喇，至少我好少見邊個係淋左冰之後話無拍片架嘛，曾經只係見倒有一個無淋冰但係就捐左錢。

建立習慣或者吸引其他人做 D 佢未做過的事情，有時都唔洗講理性架喇。