TRAVELLATOR 上，你行唔行？

今天上午到灣仔入境處，幫大少申請香港特區護照。熟知港島綫的朋友應該知道由中環到香港，大家需要行行行行一大餐或者踏上TRAVELLATOR都係行行行行到成隻野。問題來了，究竟有幾成走在TRAVELLATOR上的人確實趕時間呢？同一個問題，究竟有幾多成節奏急促的香港人真的趕時間呢？

專登隔多幾個SPACE比大家諗清諗楚。醒目的你可能反問或者直指以上假設未必成立，就算有人好似列火戰車咁係港鐵站左穿右插，係你耳邊挑機咁話「見倒尾燈當你贏」，該列車亦未必趕時間，只不過貪一時方便，不假思索就跟大隊。大隊快咪快、慢咪慢囉！這個看似非理性的舉動絕無貶意，反之絕對融入日常生活中。

例如：我同消防員講不如幫我機構拍段宣轉片啦，最多我請你落DISCO威番一晚，我相信十居其九的消防員都會礙於其身份說不，反而如果我解釋該宣轉片乃教育小朋友如何走火警，成功率應該大增。又例如：無人會將過年派利是視為一個投資，計算投入該廿蚊雞會帶來甚麼回報或值唔值得冒更大風險。

好多時你做唔做，跟唔跟，並非如書本所講根據XX個CRITERIA中每個範疇的評分。就算最終得分超高，我們不作該決定都可以只因為有違身份。或者WEIGHTED AVERAGE DECISION MAKING MODEL已經成為大家合理化事情的一個工具罷了。